Regeringsjaar 2024,
onder leiding van:
Prins Alfred I & Adjudant Dennis
Hofdames Renate & Sandra
Proclamatie
Ondergetekende, Prins Alfred de Eerste, ‘n 54ste Prins oet ’t Pin’ndoarp, bie de gratie van alle Pin’n, op ’t veurstel van ’n Road van Elf en biestoan deur mien Adjudant Dennis, wil oeleu bod doan van al wat komm’n geet:
Ten eerste
Oonze buurtvereniging De Grutt’nmoat, van mie as Prins en Hofdame Renate, kunt noe ok ‘n moal good oetpakk’n. De meest’n doot a joar’n met ‘n optocht met en wet wa hoe dat mot.
Wie verwocht de rest van de buurt d’r noe natuurlijk gewoon bie.
Ten tweede
Dat de breur van Adjudant Dennis, Gerben, dit joar met dweil’n as nachtuulke moet eindig’n in de bus van de Pin’n, in plaats van in de bus van de Thijdarr’n.
Ten derde
De keender, breurs en zusters van Prins Alfred bint nig allemoal van die carnavalsvierders op een paar noa. Mer doar ku’j dit joar mooi verandering in breng’n. En wie verwocht jullie bie de Gala-oamd en an‘n optocht ku’j ok mooi metdoan. En natuurlijk het feest doarnoa.
Ten vierde
Prins Alfred mot ‘n beoordelingsformulier krieg’n van de stage van Adjudant Dennis afgeloop’n joar bie Die Veent. Zelf oetroop’n Prins Björn mag diss’n bie Adjudant Dennis komm’n inleffer’n, samen met ‘n 24 delig’n dopp’nset, want nen stagevergoeding hef Dennis ok nig had.
Ten vijfde
Café loman oet Tubbig, jullie komt er ok nig onderoet. Ok jullie deelname wöd verwocht tijdens oonze optocht. En noe is ‘t geval dat menigeen van jullie ok bie Carnavalsvereniging de Vondelstroat zit, dus die verwocht wij d’r ok bie. Misschien valt jullie hier wa in de priez’n.
Ten zesde
Reutummerteut en CV Corry. Umdat wij Hoogheed’n jullie nig zo heel good kent en wie dat geern wilt verand’r, mot jullie mer nen mooi’n barbecue oamd hool’n. En wie stelt veur dat Peerd en Veul’n van veurig joar dit mooi kunt regel’n. DJ Madhouse stelt wie verantwoordelijk veur nen goei’n pot muziek.
Ten zevende
Stichting Kerst en Kunst oet Oatmussche, jullie hoold van feestjes en dus verwocht wij van jullie saam’n met aanhang een deelname tijdens de optocht in Reutum. Loat jullie keunst’n mer ‘s zeen.
Ten achtste
Dat vriend’ngroep ‘Die Veent’ noe mer ’s nen goei’n carnavalswaag regelt veur Theo Lansink, welke minimaal is veurzeen van navigatie, cruise control, lucht geveer’n steul en stuurverwarming, noe ’n oal’n Ford Escort het noa de optocht in Albérg hef opgeff’n.
Ten negende
In ‘t joar 2023 is Teun op ‘n Hook 20 joar dicht. Wij vindt, en menigeen met oons, dat ’t tied is veur ‘n feestje zoas in 2014. Bie diss’n geft wij Tom Holsink en Danny Grundel opdracht um de kopp’n bie mekaar te stekk’n um wier ‘n grandioos feest te organiseer’n. En volgens oons heurt doar ok ’n boekgliewedstried bie.
Ten tiende
Dat de veteraan’n van VV Reutum ‘n wedstied möt voetball’n tegg’n oonze Road van 11. De veurzitter van VV Reutum stelt wie verantwoordelijk veur ’t regel’n van dizze wedstried.
Ten elfde
Noe de keark in haand’n is van de leu oet Reutum, verwocht wij dat Pastor H Boontje en ziene Alcoholiet Mummelmannus ok afscheid goat nemm’n van ‘t Bisdom, en dat ze komt met ‘n eigen geloof: Zo vrij as ‘n vogel.
TITELS
De Road van Elf van de Pin’n hef mie, Adjudant Dennis, opdreug’n op ’n elf’n van de slachtmoand van het joar 2023 bekeend te maak’n dat Prins Alfred de Eerste, 54ste Prins van Reutum en Hoarl, as titels zal dreg’n:
-
Opperhoofd van Mineralenhandel De Kubus.
-
Peilingskoning van de Reutumse voetbalveteraan’n.
-
Grootmeester in ’t verzinn’n van zwetsverhaal’n en oaverdriever eerst’n klas.
-
54ste Prins van het Pin’ndoarp.
-
Groothertog van buurtvereniging De Grutt’nmoat.
-
Eerst’n Edelsteenkoning van Oaveriessel en ver doarboet’n.
-
Eerst’n Prins van de familie Scholt’n.
-
Wintervorst van vereniging Kerst en Kunst oet Oatmussche.
-
Prins van Renate, nig op ’t witte peerd, mer in nen griez’n bus.
-
Camperbaron van alle leu die ’n kerktoor’n nig meer kunt zeen op vakaantie.
-
Grootgebroeker van Crocky paprika chips.
ONS GALA
De gala-avond is een avond vol vermaak. Een strak programma en een avondvullend programma met buuts, zang, optredens, dans en nog veel meer. De Poesloop, een catwalk die vanaf het podium de zaal inschiet, brengt elk optreden dicht bij het publiek en geeft elk optreden een extra dynamiek. Ons gala wordt opgevoerd door lokale artiesten, dansmariekes, zangers, presentator en muzikanten. Iedereen is welkom op ons gala en kan daarvoor op de hieronder vermelde kaartverkoopavonden een kaartje bemachtigen.
